عنجد يسلمو إيديكي أختي عالموضوع الرائع, لا شك إنه كل واحد فينا بحكي هاي الكلمة, أنا أول مرة بسمع عن الموضوع, بس بحثت عن أصلها... في ناس بحكو إنه هاي القصة ما إلها أساس, ومعنى الكلمة مع السلامة و كانت في القديم God be with you و صارت Good bye بس الأحوط ما نحكيها و نستخدم الألفاظ الشرعية مثل في أمان الله أو كما جاء في كتاب الأذكار للنووي: إذا كان جالسًا مع قوم ثم قام ليفارقهم فالسُّنَّة أن يُسَلِّم عليهم، ففي سنن أبي داود والترمذي وغيرهما بالأسانيد الجيدة عن أبي هريرة ـ رضي الله عنه ـ قال: قال رسول الله ـ صلى الله عليه وسلم ـ "إذا انتهى أحدكم إلى المجلس فليُسَلِّم، فإذا أراد أن يقوم فليُسَلِّم، فليست الأولى بأحق من الآخرة" قال الترمذي: حديث حسن.
بالنسبة إلي لا أستبعد أن يكون معناها كذلك و أرجح ذلك
عنجد أختي كمان مرة يسلمو كثير على هذا الموضوع و جعله الله في ميزان حسناتك, يعني كل ما نحكي لحدا في أمان الله أو السلام عليكم رح يوصلك أجر ان شاء الله
ملاحظة للأخوة و الأخوات الأعزاء, اللي عنده اي موضوع و شاك فيه مش غلط يحطه, لشغلتين:
الأولى إنه إذا صح الكل بستفيد
الثانية إنه إذا مش صح, بنحاول نوضح الموضوع, و بالأخير برضو الكل بستفيد
مثل هاد الموضوع, إحنا شاكين فيه بس استفدنا إنه ما نحكي هيك كلمة و نرجع لأصلنا
أنا بالنسبة إن شاء الله ما رح احكيها أبدا,,,,
مين معي؟