موضوع: فلسطيني ممنوع تعيش الأحد فبراير 01, 2009 8:56 am
فلسطيني ممنوع تعيش قالولك اسكت ما تحكيش انت خلقت للتلطيش للحواجز للمعابر للتفتيش كتبوا علي جبينك ينداس من الضابط للشاويش فلسطيني قالولك ممنوع تعيش فلسطيني ممنوع تثور و مش مسموح تكون مقهور اياك تطالب بحقك اوعك بيوم تشوف النور ***********
ممنوع تجدد هويه ممنوع تجدد بسبور فلسطيني و بدك تتعلم هاي الشغله ضد الدستور فلسطيني لازم تتألم من دون ما يشوفك دكتور فلسطيني ممنوع تتظلم و لا يطلع بجناحك ريش فلسطيني ممنوع تعيش ***********
فلسطيني بكل المطارات اسمك بالاحمر مكتوب و على شباك مصلحه الجوازات كتبوا علي جبينك مطلوب لازم تتوقف ساعات مذنب او مندون ذنوب و يتوجه الك اتهامات انك سبب كل الحروب كأنو بسببك الحق مات و العدل بارضك مسلوب و كأنك سبب النكسات و كل ازمات الشعوب و كأنو بسببك مجرم فات على جنين بلحظه الغروب و دبح صبيان و بنات و عجز على امرها مغلوب ***********
مع انو الحقيقه انا الي بالدنيا ضحيه عملتوني ماده للغنى و قضية للي ما عندو قضيه انا الي راسي ما إنحنى بوجه الريح القويه انا الي شعبي صمد في الضفه و بالرشيديه انا الي شعبي انتفض و بحجر حارب دوريه و اليوم و بكره و للابد عنا كلمه وحده هي *********** فلسطين عربيه ورح تبقى عربيه ورح ترجع عربيه
Admin Admin
عدد الرسائل : 85 تاريخ التسجيل : 25/01/2009
موضوع: رد: فلسطيني ممنوع تعيش الأحد فبراير 01, 2009 11:12 am
فلسطين عربيه ورح تبقى عربيه ورح ترجع عربيه
عبدالرحمن
عدد الرسائل : 141 تاريخ التسجيل : 26/01/2009
موضوع: رد: فلسطيني ممنوع تعيش الأحد فبراير 01, 2009 11:49 pm
والله يا صايع بطلع منك مواضيع حلوة!
جثث الأسود تدوسها الكلاب وكل الناس لهم وطن يعيشون فيه إلا نحن لنا وطن يعيش فينا